Premios blogueiros

A verdade é que xa pasaron uns cantos días, pero o traballo cotiá, os cursiños e o cansazo fixeron que demorase esta entrada que vai ser, sobre todo, de agradecemento. Xa sabedes do noso pánico aos premios e que nunca nos presentamos a nada -sobradas e pasadas razóns leváronnos a iso- pero sempre anima recibir un da man de compañeir@s da rede. E máis se vén dun blogue que cre na nosa lingua e loita por ela. Así que: moitas grazas. Por lembrarnos, polas vosas xenerosas palabras, por seguirnos.

O peor é, sempre, seguir as instrucións e continuar a cadea; debemos escoller os nosos 5 blogues favoritos e mandarlles un premio. As intrucións son as seguintes:

• Copiar e pegar o premio no blog enlazándoo co blogger que cho otorgou.
•  Premiar os teus cinco blogs favoritos coa condición de que teñan menos de douscentos seguidores e deixarlles un comentario nas súas entradas para notificarlles que gañaron o premio.
• Confiar en que continúen a cadea premiando a sua vez os seus cinco blogs preferidos.

O de escoller 5 blogues é o máis complicado, de seguro (son tantos os merecedores!). Xa temos dado uns cantos premios (sobre todo aos Planetakis, sempre imprescindibles) e non queremos repetirnos. Así que desta volta ímosllo dar a:

Pinzellades al món: o blogue que hai mirar cada día para deleitarse con cada ilustración escollida. Imprescindible para seguir vivo, visualmente.

Xogos de lingua: por proporcionarnos tanto dun xeito tan ameno.

Bajo el Signo de Libra: porque sempre nos proporciona unha información nova e sorprendente, culta e imprescindible.

Ler e ver: sempre é interesante a súa opinión, aínda que non sempre esteamos de acordo.

Im-pulso: por poñer os puntos sobre os is, no medio dunha información tan mediocre en tantos casos.