Ruiseñor

Se dicimos que é de Benjamin Lacombe xa está todo dito, non? Si, estamos ante un novo álbum publicado por Edelvives (volvo reiterar a miña petición de que publiquen na nosa lingua ao igual que o fan nas outras linguas do estado). Así que xa sabedes: unha xoia. O ilustrador Benjamin Lacombe volve a dar voz ilustrada ao texto de Sébastien Perez no que debe ser xa un tándem perfecto: Ruiseñor é dunha delicadeza absoluta dende a tapa, as guardas... todo! Mesmo ten algunhas páxinas despregables!

A poesía como medio de comunicación, como posibilidade para afastar a timidez e a invisibilidade. Porque non son importantes tan só aqueles que chaman a atención. Hai xente que pasea ao noso carón e tamén necesita da nosa amizade. 

Descubride vós este neno que se agocha entre as páxinas deste álbum que, seguro, vos fascinará.