Uñas y dientes

Novela negra de Ian Rankin, Uñas y dientes está publicada por RBA. Xa teño falado deste autor en máis ocasións e non defrauda. O malo é a orde en que se publican os seus libros no estado, xa que esta foi publicada en inglés no ano 1992, e aquí a comezos deste ano. É dicir, é a terceira novela da serie, que rollo!

Parece ser que Ian Rankin é un fenómeno literario en Escocia, tanto que existe unha ruta turística (están de moda!) nas localizacións dos seus libros. Pero nesta novela o noso protagonista viaxa a Londres para axudar nun caso dun asasino en serie, o que tamén será unha escusa para xogar cos choques de caracteres entre ingleses e escoceses, o que serve para introducir algunha nota de humor nas súas páxinas.

A pesar de que é un lío non poder seguir a evolución deste personaxe, que é ben interesante, este autor dentro da novela negra gústame ben.