Cando sexades pequenos

Publica Kalandraka este bonito álbum de Uxue Alberdi con ilustracións de Aitziber Akerreta: Cando sexades pequenos fala da posibilidade de gozar da vida de maiores coas mesmas ilusións que se teñen cando se é pequeno, a mesma inocencia, a ausencia de prexuízos, de convencións absurdas, de razoamentos ilóxicos... de vivir cun sorriso e en plenitude. Un xeito magnífico de explicar o mundo ao revés, non o dos nenos cando estes sexan grandes senón o dos adultos ao facerse pequenos, ao ser posible darlle a volta ao ritmo vital establecido.