Fátima Bouzada e Tamara Pereiras tiveron a oportunidade de coñecer a Antía Otero por videoconferencia. Estas son as súas impresións:
Esta experiencia foi algo novo para nós, xa que nunca antes
tiveramos a oportunidade de falar cun escritor, e aínda por encima, cun autor,
neste caso autora, de poesía, ese xénero tan descoñecido para nós, porque á
hora de ler decantabámonos máis por novelas, debido a que viamos a poesía como
algo aburrido.
Con esta oportunidade acercámonos á poesía da man de Antía, e
descubrimos que todos levamos poesía dentro, aínda que non a exterioricemos.
Unha das cousas que máis nos gustou desta experiencia foi o
descubrimento dunha nova maneira de expresar a poesía, facendo colaxes; porque
é unha maneira orixinal de expresar sentimentos a través de simples recortes de
revistas, periódicos, etc., e o proceso de
elaboración dun colaxe é o mesmo que o dun poema, xa que en ambos
se seleccionan determinados recordos ou materiais que nos evocan un sentimento, que no caso da poesía se
expresa en palabras, nos colaxes con imaxes.
En resumo, encantounos esta experiencia, esperamos poder repetila
pronto, e agradecémoslle inmensamente a
Antía que traballase con nós e que nos permitise coñecer un pouco máis
da súa poesía.
Nestoutro vídeo repiten o recitado:
Nestoutro vídeo repiten o recitado:
Sen comentarios
Publicar un comentario