Blogue de Gracia e de Anxo, blogue de pingas e de icebergs, do que nos preocupa ou nos chama a atención, de biblioteca e de aula.

30/07/13

Castelao. Máis alá!

Hai xa tempo que lin este libro da editorial Demo e aquí quedou, aparcado, buscando unha oportunidade que chega, coido, ben tarde.
Castelao. Máis alá! é a terceira entrega desta serie de cómics que Inacio escribe e Iván Suárez debuxa sobre a vida de Castelao. Xa falamos aquí das dúas entregas anteriores. Grazas a esta marabillosa iniciativa sabemos moito máis do Castelao persoa, o cal é moito de agradecer. Con este tomo sabemos máis do Castelao artista, un Castelao que decide ir a París, berce artística de movementos, en 1921, para visitar museos, encontrarse con outros artistas e saber máis das correntes europas. Con esta lectura afondamos nos seus posicionamentos estéticos, algo do que eu nada sabía.
Pero vou poñer un defecto á edición: ten a letra moi pequena! Cando menos para min, que vou tendo unha idade, resúltame de difícil lectura, o que fai que sexa menos atraente.

Sen comentarios

Neste blog utilizamos as imaxes con finalidade educativa. Se algunha delas estivera suxeita a dereitos de autor, rogamos que vos poñades en contacto connosco para retirala de inmediato.