Seis hombres

Imprescindible dende xa é este álbum publicado por Libros del Zorro Rojo de David McKee: Seis hombres é un alegato en contra das guerras que debemos ter nos nosos andeis para lelo sempre que teñamos algún neno ou algunha nena preto. Unha obra atemporal publicada en 1972.

O autor, dun xeito moi, moi sinxelo, explícanos a orixe das guerras e das tiranías. O medo, a inseguridade, a avaricia, mesmo os malentendidos convértense no verdadeiro motor desta tráxica historia que non é outra que a historia da humanidade.

Combinados á perfección texto e ilustración, a obra resulta absolutamente deliciosa e adictiva, facéndonos chegar dun xeito sinxelo unha mensaxe directa e cruel, pesimista por tanto, da nosa forma de ser. Porque non pensedes que ides topar un final feliz, senón que é circular, sabendo, no fondo, que todo volverá a comezar.
E iso si que é ben triste!

“Érase una vez seis hombres que viajaban por el mundo buscando un lugar donde poder vivir y trabajar en paz.”