Blogue de Gracia e de Anxo, blogue de pingas e de icebergs, do que nos preocupa ou nos chama a atención, de biblioteca e de aula.

22/11/13

Sopa verde

Fíxome sorrir ao lembrar a miña nenez e a miña estupidez coas comidas. A verdade, eu era un pouco fastidiosa! Este álbum que nos trae OQO de Ángela Madeira e Till Charlier afonda no intento de mais e pais para que a súa prole coman de todo. En Sopa verde é un coello quen é incapaz de comer nada que non sexa verde, sen dar unha oportunidade a outros alimentos que poden ser moito máis saborosos... pero se non se proban, como se vai saber?
Fixádevos nas ilustracións: non só acompañan ao texto senón que proporcionan información divertida de cada dun dos personaxes. Personaxes que se presentan co sistema de enumeración repetitiva tan axeitada nos contos infantís.

Era unha vez un coello
ao que só lle gustaba o verde:
leitugas verdes,
brócolis verdes,
coles verdes,chícharos verdes,
espinacas verdes,
alcachofas verdes,
pementos verdes…

—Só me gusta o verde –repetía a todas horas.





Sen comentarios

Neste blog utilizamos as imaxes con finalidade educativa. Se algunha delas estivera suxeita a dereitos de autor, rogamos que vos poñades en contacto connosco para retirala de inmediato.