A fuxida

Un álbum sobre a guerra e o exilio. Isto é o que nos ofrece a prolífica autora Berta Dávila en A fuxida, libro publicao por Biblos que conta coas ilustracións de Inma Doval. Unha historia atemporal de calquera espazo e de calquera momento, porque puido suceder, sucede ou sucederá. Porque desgrazadamente hai moitos países actualmente que viven en guerra obrigando a civís a fuxir e buscar refuxio noutros lugares ou noutros países máis ou menos afastados. Un dos dramas da nosa civilización. Non temos máis que botar os nosos ollos cara a Siria para sentir a forza deste álbum, aínda que este é máis suave e a familia protagonista ten a opción de coller un avión para buscar un novo fogar, algo que é máis difícil que ocorra. A misera é unha constante e as circunstancias obrigan a opcións antes inimaxinables e reinciden na capacidade do ser humano para saír e seguir adiante.

E como son unha pelma, aí vai o que é para min un defecto de edición: hai páxinas nas que non se ve ben o texto, ou ben porque non destacan sobre as ilustracións ou ben pola cor elixida para a tipografía. Non sei cal é a razón, As ilustracións son moi chamativas aínda que non me acaban de convencer. E isto xa é opinión moi persoal.