Ana xa chegou!

Novo texto de María Canosa para Everest con ilustracións de Dani Padrón: Ana xa chegou! destaca a orixinalidade da celebración dun nacemento dende un punto de vista ben diferente: o do seu moneco de peluche. Un libro que celebra a vida, a luz, o nacemento, os primeiros meses, a ollada perdida que busca e o cariño e a tenrura que rodea a felicidade de ter un bebé na casa e das sensacións novidosas que este pode sentir a medida que vai medrando: a auga, a nai, o espazo...