No hay dos iguales

Unha oda aos beixos, así é como se podería describir este álbum alongado que nos propón a editorial Kalandraka e que chega xusto nestes días nos que, seica, se celebra o Amor (será que o resto do ano non?). Ata a última páxina teremos o enigma de a que se refire cada texto anterior: hai algo en todos os lugares, en todos os países, pero non é doado de atopar, ata que na derradeira páxina -despregable- se nos revela o segredo: non hai nada mellor que os bicos que nos dan as persoas que amamos e que nos aman. Así que pensade neste libro cando precisedes dunha declaración de amor chea de enigma e bo sabor. O autor de No hay dos iguales é Javier Sobreino e a ilustradora Catarina Sobral.
As ilustracións son esquemáticas, xogando con dúas cores en cada páxina.

"Los hay en todos los países,
en las tierras altas y en las llanuras alejadas,
en las urbes pobladas y en los pueblos ignorados.
En cualquier lugar se pueden encontrar,
aunque no son fáciles de conseguir…"