Balea

Cando o vin na páxina web sabía que me ía encantar. Pero... tanto?

Falo desta novidade de Kalandraka que me ten namorada, un libro de Federico Fernández e Germán González chamado Balea. Un libro despregable sen palabras. 

Xa case podo calar.

Só recomendarvos encarecidamente que vaiades por el. Porque como a min, gústanvos este tipo de xoias que non se compran nas xoiarías senón nas librarías. 

Así pois, a que agardades?

Xa sei, xa sei. Hoxe está pechado.... Pois ide ao Culturgal!!! Eu, que non podo, acompáñavos dende aquí.

Unha balea que vén a ser un artefacto cheo de historias para contarmos nós. Seremos os protagonistas de cada un dos lugares deste cetáceo mecánico que está cheo de recunchos onde pararnos a cavilar e contar.

Veña, dade un paseo polo fondo do mar!