Cantarolas

 Veu a luz na editorial Xerais. Agora é Kalandraka quen se encarga de reeditar de xeito máxico coas ledas e fermosas ilustracións de Leandro Lamas este Cantarolas de Anisia Miranda e Xosé Neira Vilas. Poemas cheos de expresividade que nos levan á vida rural, á natureza de noso. Dividido en dúas partes, a primeira é a creación de Anisia e a segunda a de Neira Vilas. En ambas as partes gozaremos coa poesía infantil que nos transporta a vívida recreación da ledicia e dos xogos.