Blogue de Gracia e de Anxo, blogue de pingas e de icebergs, do que nos preocupa ou nos chama a atención, de biblioteca e de aula.

14/08/16

El paraguas

Fermoso álbum sen palabras este El paraguas que publica a editorial Pastel de Luna, de Jae Soo Liu e Dong Il Sheen (premiado polo New York Times como un dos mellores libros ilustrados no 2002 e recomendado polo IBBY para nenos con discapacidade). O libro amosa dun xeito infinitamente delicado a travesía que percorre un paraugas amarelo, un paraugas que nun principio semellaba só pero ao que se irán sumando outros paraugas de todas as cores, ata chegar ao lugar ao que se dirixían todos eles -ou os seus propietarios e propietarias- para seren pechados e descansares no paragüeiro. Porque, obviamente, situámonos nun día de chuvia. O libro trae un CD con música de piano que evoca a choiva e as sensacións que espertan as imaxes: cada canción explica unha imaxe, e conecta as artes da música e da ilustración. Isto é fermosísimo, xa que o álbum deixa a cada lector/a explorar o seu propio maxín, sentir a propia historia debaixo dese paraugas, é dicir, o libro bríndanos un momento de liberdade para decidir que ocorre e quen leva o paraugas.




Sen comentarios

Neste blog utilizamos as imaxes con finalidade educativa. Se algunha delas estivera suxeita a dereitos de autor, rogamos que vos poñades en contacto connosco para retirala de inmediato.