Blogue de Gracia e de Anxo, blogue de pingas e de icebergs, do que nos preocupa ou nos chama a atención, de biblioteca e de aula.

09/09/16

A árbore da escola

Antonio Sandoval e Emilio Urberuaga constrúen en A árbore da escola publicado por Kalandraka un fermoso álbum necesario nesta Galicia ateigada de incendios e de ignorancia no respecto pola natureza. Por iso, este canto á mesma é un tomar folgos para respirar e encarar un futuro no que poboar a nosa terra dun espeso verde que faga esquecer a negrura destes tempos. Un álbum que fará vibrar a nenos e a nenas nas escolas que comezan xa, pola importancia da educación ambiental e polo respecto e atención a valores varios, incluído o fomento da lectura. Porque non nos deixemos enganar polo seu tamaño, de todo hai neste álbum, e de cada páxina aprendemos que o amor, toda clase de amor, é máis que necesaria para sobrevivir neste mundo que se nos antolla tan hostil.



Sen comentarios

Neste blog utilizamos as imaxes con finalidade educativa. Se algunha delas estivera suxeita a dereitos de autor, rogamos que vos poñades en contacto connosco para retirala de inmediato.