De catro a catro. Manuscrito inédito

Alvarellos Editora tráenos un verdadeiro galano para quen amamos a Manuel Antonio, este facsímil do seu De catro a catro. Unha alfaia para termos na casa e revisar de cando en vez, nunha edición coidadísima en tapa dura que reproduce un caderno contable, o que é o formato orixinal no que se escribiu esta para min obra mestra da nosa Literatura. Anxo Tarrío é quen se ocupa do traballo bibliográfico. Con este libro poderemos observar o traballo que Manuel Antonio realizaba na súa escrita, a importancia que lle daba a certos elementos por riba doutros, tanto textuais como paratextuais, e poderemos deleitarnos coa súa letra imaxinándoo mentres escribía.
Estou feliz de telo!