Un álbum moi axeitado para que o primeiro lectorado se achegue a lecturas igualitarias que reescriben os contos clásicos. O seu autor é Davide Cali, de sobra coñecido, e conta co ilustrador Raphaëlle Barbanègre, e neste libro Cincenta e as zapatillas peludas, publicado por Xerais, destaca o humor e o ritmo que, xuntos, procuran a liberdade que foxe de estereotipos que impidn a igualdade de nenos e nenas.
Esta Cincenta soña tamén cun príncipe guapo que a salve desta situación inxusta que vive, pero cando pensabamos que estamos ante o mesmo conto de sempre, a historia cambia. E con este cambio, lemos unha petición ao lectorado feminino: rapazas, sede vós as que dominades a vos propia vida, non teñades medo a vos enfrontar aos desafíos que a vida vos proporciona, non pensedes que hai profesións "de homes", ninguén virá rescatarvos, sede vós as que cambiedes a situación sen agardar por ninguén.
Sen comentarios
Publicar un comentario