Blogue de Gracia e de Anxo, blogue de pingas e de icebergs, do que nos preocupa ou nos chama a atención, de biblioteca e de aula.

13/02/19

É tempo de Entroido!

Perto está o Entroido e debemos lembrar este libro publicado pola editorial Xerais: É tempo de Entroido, de Ramón D. Veiga e David Sierra. Álbum ilustrado en verso que de xeito lúdico vainos levando pola xeografía galega para falarnos da cantidade e variedade que posuímos para esta celebración tradicional. A escusa é facer un bo cocido e non deixar ren. Pero o o que nos parece máis interesante é ese percorrido que realiza en cada páxina porque moitas veces se descoñece a nosa riqueza cultural, tanto neste eido coma noutros. Boto de menos un pouco máis de información, quizais ao final do libro, indicando os nomes que se corresponden cos lugares, xa que non en todas as estrofas queda claro. Aínda así, benvido sexas, entroido.

Sen comentarios

Neste blog utilizamos as imaxes con finalidade educativa. Se algunha delas estivera suxeita a dereitos de autor, rogamos que vos poñades en contacto connosco para retirala de inmediato.