Voces de escritoras olvidadas

 Mercamos este libro para a biblioteca en canto soubemos del. Voces de escritoras olvidadas é un proxecto dirixido por Carmen Mejía e editado  por María Jesús Piñeiro. Artigos e ensaios de numerosas escritoras esquecidas vinculadas coa guerra civil e mais o exilio. A importancia do libro reside no rescate dun monllo de voces femininas que, non só polo momento histórico senón tamén por ser mulleres, foron esquecidas e que abraian pola calidade que amosan. Unha vez máis, vítimas da dobre inxustiza de ser muller e de seren exiliadas por ideas políticas nunha España que non permitía que se pensase diferente ao mandato oficial. Que non volvan eses tempos!