Blogue de Gracia e de Anxo, blogue de pingas e de icebergs, do que nos preocupa ou nos chama a atención, de biblioteca e de aula.

06/02/08

Invisibles

O filme Invisibles, producido por Javier Bardem para Médicos sin Fronteras, levou o Goya ao mellor documental. É o retrato de cinco historias sobre tres conflitos armados esquecidos e dúas enfermidades silenciosas (a enfermidade do Chagas, a enfermidade do soño, os nenos soldado de Uganda, a violencia sexual contra civís no Congo e os campesiños desprazados de Colombia) vistas a través dos ollos de cinco cineastas: Wim Wenders, Isabel Coixet, Fernando León de Aranoa, Mariano Barroso e Javier Corcuera
A falta de empatía ou de cordura que impera no noso mundo de poderosos fai deste planeta un lugar onde as inxustizas sociais non só imperan senón que sobrepasan todos os límites do respecto ao ser humano. Existe outra realidade que cun pouco de interese podemos descubrir porque non se esconde, sempre está aí. Non é invisible. É ferinte.
Todos e todas deberiamos ver este documental para sabermos máis destas historias que se non se contan, non existen, que contribúe a difuminar esa imperceptible e dura realidade ignorada e silenciada por moitos.



Vía Lápices para la Paz



Na República Democrática do Congo, miles de mulleres son violadas polos soldados do goberno. Este é o seu canto.


Sen comentarios

Neste blog utilizamos as imaxes con finalidade educativa. Se algunha delas estivera suxeita a dereitos de autor, rogamos que vos poñades en contacto connosco para retirala de inmediato.