25 anos sen Henry Fonda

Henry Fonda ( 1905 - 1982) foi un actor de cine e teatro estadounidense, gañador dos premios Oscar, Globo de Ouro e Tony.

Fillo dunha modesta familia, a seu pai era un pequeno impresor de Omaha. Estudou durante dous anos xornalismo, pero abandona para poñerse a traballar. Animado pola nai de Marlon Brando, empeza a actuar como aficionado no Teatro de Omaha. A experiencia gustoulle e trasladase a Nova York para ingresar nunha compañía de teatro de Nueva Inglaterra onde coñece a James Stewart.
Fonda participou nunhas 90 películas. Na década dos 30 a maioría das súas películas foron románticas, de acción, comedias de alta sociedade e historias socialmente comprometidas. En 1940 con "Las uvas de la ira" de John Ford, firma un contrato coa Fox. Na época dos 40 triunfou coa súa interpretación de Wyatt Earp en "Pasión de los fuertes" e en 1948, tras filmar "Fort Apache", deixa o cine para volver ao teatro.
Ao seu regreso gañou unha nominación ao Oscar como mellor productor por "Doce hombres sin piedad" e obtivo a estatuiña honorífica en 1981 pola súa carreira e ao ano seguinte volveu a conseguir outro Oscar como mellor actor pola película "En el estanque dorado" na que traballou con outro dos mitos do cine norteamericano: Katharine Hepburn.
O 12 de agosto de 1982, Henry Fonda morre a consecuencia dun cancro e dunha enfermidade de corazón no seu domicilio de Los Ángeles, acompañado pola súa cuarta muller Shirlee e a súa filla Jane, que tamén participara na súa última película.

Deixámosvos unha escena deste filme: