Infortunio

Ollade a portada do libro: a que entran ganas de lelo só con vela? Pois iso foi o que me pasou cando o vin. Pero merqueino e aparqueino durante un tempo, ata que agora puiden -por fin- devoralo.

Trátase dun libro que nos lembra a Dickens sobre un neno que medra como unha nena no fogar máis rico da Inglaterra decimonónica. É unha novela sobre identidades, sobre xénero, sobre relacións persoais, sobre a orixe... e sobre o travestismo ou a disforia de sexo, e é ademais, unha novela de aventuras. A síndrome de disforia de xénero inclúe a todas aquelas persoas que viven o seu sexo biolóxico normal como unha dificultade molesta; esta situación de discordancia, que afecta tanto a varóns como a mulleres, pode presentarse en varios graos ata chegar ao transexual.
John Wesley Stace é o nome artístico de Wesley Stace, autor da novela, quen seica é moi coñecido polas súas composicións musicais. De feito, esta obra xurdiu a partir dunha canción.

A mi no me gusta leer, milord. Siempre siento que estoy haciendo algo inferior a mí.
-Depende de a qué altura sostengáis el libro, milady