Museo Submarino

A idea de contemplar no fondo do mar os restos dun navío naufragado en tempos pretéritos estase abrindo paso. Nos próximos anos, varios proxectos de museos submarinos faranse realidade. Funcionarios de Alejandría e autoridades exipcias crearán un parque arqueolóxico submarino para que os turistas poidan admirar os miles de obxectos que aínda permanecen mergullados no mar. O arquitecto francés, Jacques Rougerie, comenta que "nada pode parecerse á emoción de toparse no lugar mesmo onde se produciron os acontecementos históricos".
Este proxecto prevé albergar os tesouros arqueolóxicos descubertos estes últimos anos nesta cidade exipcia, e se chega a realizarse os visitantes poderán mergullarse na Antigüidade. Situado cerca da Biblioteca, constaría de dúas partes: un ágora a flor da auga, unida á costa, albergaría a parte do museo adicada ao almacenamento, estudo e tratamento dos vestixios. A segunda parte, somerxida, veríase grazas a catro grandes velas na superficie da auga, con salas de exposición temática nas que se amosarían obxectos sacados da auga. Tamén se fala de construír un "auditorio burbulla", un submarino sobre rieis para transportar aos visitantes...

Porén, o custo dunha construción submarina é dúas veces e media superior ao dun edificio en terra. Unha razón que até agora fai vacilar a moitos dos que poderían promover construcións deste tipo.
O ano pasado, as marabillas subacuáticas de Alejandría captaron a atención internacional grazas á mostra itinerante Los tesoros hundidos de Egipto, exhibida en Berlín, París e Bonn. Unha exposición que reúne pezas rescatadas tras 10 anos de traballos, unhs 2000 obxectos que non é máis que un 2% do que hai. No ano 2008 esta exposición estará en Madrid.
Se premes aquí poderás ver o vídeo presentación do proxecto: Musée d'archéologie sous-marine d'Alexandrie.