Non á violencia contra as mulleres (XXVII)

Non. Seguiremos falando deste tema. Porque este ano está sendo especialmente brutal. Porque mentres siga a existir, nós seguiremos a insistir. Porque mentres haxa maltratadores, haberá educadores, empeñad@s en facelos desaparecer. Porque algún día berraremos que fomos nós quen vencemos.

A violencia contra a muller adopta formas diversas, incluídas a violencia no fogar, as violacións, a trata de mulleres e nenas, a prostitución forzada, a violencia en situacións de conflito armado -coma os asasinatos, as violacións sistemáticas, a escravitude sexual e o embarazo forzado-, os asasinatos por razóns de honor, a violencia por causa do dote, o infaticidio feminino e a selección prenatal do sexo do feto en favor de bebés masculinos, a mutilación xenital feminina e outras prácticas e tradicións prexudiciais.
A actriz inglesa Emma Thompson participou recentemente nunha campaña para concienciar sobre o drama que sofren máis de 4000 mulleres sometidas ao tráfico sexual no Reino Unido, gravando este vídeo impresionante:

As mulleres escravizadas pola prostitución perden algo máis que os seus nomes.