Segundo conta a lenda, Edith Piaf nace debaixo dunha farola fronte ao número 72 da rue de Belleville en París, de pai acróbata e de nai cantante ambulante. Debido a que a súa nai é demasiado pobre como para criala, Édith é criada polas prostitutas da casa que rexentaba a súa avoa paterna.Ao finalizar a 1ª Guerra Mundial, o seu pai volve do frente e lévaa consigo a vivir a vida dos artistas dos pequenos circos itinerantes, e despois a do artista ambulante, independente e miserable. Édith revela o seu talento e a súa excepcional voz nas cancións populares que canta nas rúas xunto ao seu pai. En 1935, é descuberta por Louis Leplée, xerente dun cabaret de moda situado na avenida dos Campos Elíseos. Convídaa a presentarse co nome artístico da nena Gorrión ("la Môme Piaf") debido a que era de pequena estatura e cantaba coma un gorrión cunha voz espléndida. As súas presentacións foron todo un éxito, e o seu talento e a súa voz son destacados por importantes figuras da época. En marzo de 1937, Édith debuta no Music-Hall no teatro ABC de París. Convírtese inmediatamente nunha estrela da canción francesa adorada polo público e difundida pola radio.
Convírtese tamén nunha especie de icona parisina e na musa dos existencialistas. Nos años 50, Piaf era famosa en moitos países. O público norteamericano consagrouna en 1956 no Carnegie Hall de Nueva York, ao que regresou con frecuencia, tras iniciar ese mesmo ano unha cura de desintoxicación.
De extraordinaria personalidade, segue sendo unha das cantantes francesas máis coñecidas no mundo. Se non a coñeces, convidámoste a que disfrutes plenamente da voz desta dama da música francesa.
Sen comentarios
Publicar un comentario