Un lago baixo o mar

No golfo de México, a centos de quilómetros da costa, no fondo do mar, existe un lago submarino coñecido como o "lago de salmuera". Alí, a auga repousa estática, igual que se estivese sobre a terra.

A auga do lago, ao ser máis densa polo maior contido de sal, permanece perfectamente diferenciada do resto da auga do océano. Os científicos descubriron que a vida é quen de proliferar sen necesidade de osíxeno nin de luz en condicións absolutamente extremas.

Preto do lago submarino, a grandes profundidades, existen unhaserie de brechas hidrotérmicas das que emana gas metano. Alí, sen luz para a fotosíntese, as bacterias evoluíron até ser capaces de coneverter o metano e o ácido sulfhídrico en comida para organismos maiores. Arredor das filtracións atópanse mexillóns, ameixas, gambas e vermes tubulares.

E é que a vida florece nos lugares e de xeitos inimaxinables. Parece que o noso planeta aínda conserva marabillas por descubrir, se non as destruímos antes.