Cinco días por cada morto

Desde Colombia recollemos o testemuño de campesiños que aseguran que o exército mata civís facéndoos pasar por guerrilleiros para disfrutar dos beneficios que outorga o Estado para cada baixa inimiga: cinco días de vacacións por morto. Isto coñécese alá como "falso positivo", soldados que matan civís e os fan pasar por guerrilleiros para aumentar os recontos de baixas e cobrar os beneficios que se outorgan aos militares que amosan bos resultados na súa loita contra a guerrilla.
Mentres, o Ministerio de Defensa presentaba un programa de respecto aos Dereitos Humanos no combate, recibindo os parabéns da comunidade internacional.

Non sei se é máis aterrador a noticia en si ou o feito de aceptar que a política do estado sexa a de premiar con cinco días de vacación por cada morto. E, coma sempre, o resto do mundo cala e mira para outro lado. E os programas de Dereitos Humanos, ou estes en si, nunca acaban de encaixar nesas terras que, por sorte, parecen tan lonxe nosa...