Día Mundial do Medio Ambiente

Cara a unha economía baixa en carbono.

(Lema deste ano)

As celebracións a nivel mundial teñen como sé a cidade de Wellington en Nova Zelanda, e están encamiñadas a eliminar o uso do carbón nas economías e estilos de vida das diferentes comunidades e compañías. Entre as diferentes medidas que se propoñen están as de incluír unha maior eficiencia enerxética en edificios, aparatos eléctricos e medios de transporte ou salientar o papel dos bosques para combater os gases do efecto invernadoiro.

(Grazas Bea e IES Río Cabe polo cartel)

A destrución sistemática do medioambiente non só pon en risco a actual subsistencia de centos de millóns de persoas, senón que dilapida os recursos das xeración vindeiras. Unha grave irresponsabilidade da nosa parte pensando nos que vivirán no noso planeta no futuro. Unha vulneración dos seus dereitos a vivir nun hábitat que lles permita facer realidade as súas aspiracións.

Se ides a esta ligazón veredes o Alfabeto deste Día: 80 xeitos de celebralo. En cada letra observaredes diferentes actividades. Deixámosvos un exemplo:

A
Actividades para a xuventude
Aforrar papel

Anuncios nos medios masivos de comunicación (radio e televisión)

Apoio por parte de celebridades

Artigos promocionais relacionados co tema (camisetas, calcomanías, separadores de libros)

Este vídeo xurdiu como unha iniciativa do grupo musical La Unión Greenpace e Central Musical para concienciar a sociedade a través da música sobre o uso racional da enerxía e os recursos naturais, con motivo da celebración do Día Mundial do Medio Ambiente:

Vías: Climantica e Biblioteca CEIP Sant Jordi