Denuncia de Dereitos Civís

O Movemento polos Dereitos Civís critica fondamente a censura imposta polo PP á enquisa do galego por se non fose suficiente o feito de levar adiante o propio cuestionario. O colectivo, ademais de amosarse contrario a tal consulta, manifesta o seu total rexeitamento ás formas nas que está sendo trasladado o inquérito, xa que a dirección dos centros ten prohibido manifestar ningunha opinión ao respecto. Isto é censura, xa que as persoas que mellor coñecen as escolas nas que traballan son privadas de dar a súa opinión sobre a lingua nos centros. Dereitos Civís concorda co documento asinado conxuntamente polas principais organizacións de ensino non universitario galego, que denuncian que se trata dunha consulta deseñada á marxe da comunidade educativa e carente de rigor.