O equipo docente de Filoloxía Galega das universidades de Barcelona e Autónoma de Barcelona amosou a súa preocupación polas medidas adoptadas pola Xunta arredor da lingua. Afirman que a política do goberno está a favorecer a desprotección da lingua en ámbitos sociais como o ensino non universitario e a función pública, onde é unha obriga legal a súa promoción. Consideran que a desvalorización da lingua pódese ver traducida nun descrédito para a imaxe xeral do país que prexudica a promoción económica e social dunha imaxe de marca que debe aspirar á solvencia e á calidade.
Inciden en que cómpre un trato compensatorio da lingua máis desfavorecida para a preservación do galego nunha situación de desigualdade manifesta. Tachan de falacia o feito de que os pais e as nais poidan escoller a lingua do ensino público apoiándose nos dereitos individuais.
A lexislación debe darlle un trato preferente ao galego para conseguir unha sociedade de individuos plurilingües. Doutro xeito chegarán a reducila ao monolingüismo en castelán.
Sen comentarios
Publicar un comentario