Sígueme

Sígueme (unha historia de amor que non ten nada de raro) de José Campanari, ilustrado por Roger Olmos, é outro deses libros dos que te namoras ao ver a portada, e máis se o abres e xa na primeira fantástica ilustración les que o protagonista é un "elefante gris con lunara morados que non tiña nada de raro!". Espectacular.
Conta a historia de amor -que non ten nada de raro- entre un elefante e unha formiga dun xeito divertido, completamente surrealista, cun personaxe principal que está disposto a percorrer calquera camiño para seguir o amor: amores sen prexuízos, sen diferenzas, sen tamaños (sobre todo!)
Cunhas ilustracións marabillosas que complementan o texto: o deseño das personaxes e os decorados que recrean son verdadeiras obras de arte. O ilustrador crea espazos tenros, imposibles, que desenvolverán imaxinacións de nenos e nenas e que fan a delicia de maiores.



Teño que dicir que este libro comprámolo todas as fanáticas do insti na Feira!!!