El pato y la muerte

Este elegante álbum ilustrado editado por Barbara Fiore, El pato y la muerte, escrito e ilustrado por Wol Erlbruch, métenos de cheo nun tema normalmente tabú na infancia: a chegada da morte, algo que debería ser máis natural e que non conseguimos que o sexa. O autor reduce a trama para explicar a historia, unha historia baseada na relación entre un pato e a morte que falarán sobre o significado da morte e que pode haber despois desta. O pato acabará aceptando que a morte está aí, que debe chegar, que non se lle pode ter medo, que hai que vivir a vida mentres poidamos. O inevitable paso do tempo transmítese de xeito natural e diáfono, cunha elegancia e sabedoría plena alcanzada nas ilustracións, permeables e narrativas, potencialmente instigadoras de palabras das que non debemos fuxir.

Un libro fermosísimo tanto pola temática como polas ilustracións como polo texto... "Un libro para mecerse nos silencios, nas palabras, nas ilustracións".