Blogue de Gracia e de Anxo, blogue de pingas e de icebergs, do que nos preocupa ou nos chama a atención, de biblioteca e de aula.

26/11/09

Retos Matemáticos... e non tanto (XXXI)

Esta semana hai de todo... a pensar!

Reto 1.-(pendente) O día 18 de setembro de 1981, nunha emisora de radio, o presentador decatouse de que esa data (18-9-81) era capicúa. Entón ocorréuselle lanzar en antena a seguinte pregunta: Cales son as datas máis próximas entre si do século XX?

Reto 2.- Dúas persoas permanecen de pé sobre unha folla de xornal ao mesmo tempo e sen poder tocarse aínda que queiran. Como pode ser posible?

Reto 3.- Un home deixa un nenúfar nun estanque o 1 de xuño. Esta planta reprodúcese de tal forma que cada día hai o dobre que o día anterior. Se o estanque queda totalmente cuberto de nenúfares o 30 de xuño, que día estaría cuberta xustamente a metade do estanque?

Reto 4.- Xaime, Paulo e Ramón foron bailar e coñeceron unha guapa muller. Cando lle pediron o número de teléfono, ela díxolles:
  • Eu só lles dou o meu número a persoas intelixentes
  • Nós somos intelixentes!!!! - dixéronlle os tres á vez
  • Ben, entón dígovos o meu teléfono: ten 7 cifras e se restamos as tres primeiras (tomadas como un número de tres díxitos) ao cadrado das últimas catro (tomadas coma un número) dá... o meu número de teléfono.
Cal é o número de teléfono da muller?


6 comentarios:

Oki dixo...

Ola. Reto 2: Creo que teñen unha porta en medio e o papal pasa por debaixo

Reto 3:
Dia 1 = 1 nenúfar = 2 elevado a 0
Dia 2 = 2 nenúfar = 2 elevado a 1
Dia 3 = 4 nenúfar = 2 elevado a 2
Dia 4 = 8 nenúfar = 2 elevado a 3

Dia 30 = 536.870.912 = 2 elevado a 29

A metade son 268.435.456, que por logaritmos creo que da que se llega el dia 29 (si hice bien lo de los logaritmos porque hace tanto tiempo que no lo repaso...)

Bicos

Anxinho dixo...

gran entrada de Oki nesta semana de retos!
Resolveu correctamente ámbolos dous aínda que quixera puntualizar que o reto 2 é máis doado do que fixeches. Simplemente se se multiplican por dous cada día, a metade conseguirase o día anterior ao que se complete o estanque, é dicir, o 29. Pero usaches os logaritmos moi ben, parabéns ;P

Oki dixo...

Tes razón, dinme conta ese mesmo día pola noite soñando!!!
Pero non sabes a ilu que que fixo aplicar logaritmos: Serven para algo!!!! (aínda que cunha simple división chegaría ao mesmo...)

Cristina Ares dixo...

Hola!Pois voume atrever eu co RETO 4, inda que non creo que estea ben!!
A rapaza dille aos mozos que o seu número ten 7 cifras por exemplo: ABCDEFG e que o resultado da resta de ABC - (DEFG)^2 da o seu número de teléfono. POlo tanto se pensamos no 1º número de 3 cifras e no 1º de catro sáennos o 100 e o 1000 respectivamennte. Se facemos a operación anterior con estos números o seu resultado é de 6 cifras polo que non é válido 100- (1000)^2=-999900. Se se sigue comprobando o calquera número multplicado polo cadrado de 1000 vai dar 6 cifras, e a partir do 1001 son moitos os que dan 7cifras. Polo tanto a moza o que non quería era darlle o seu número de teléfono, e para non ser directa do todo doulle unhas voltiñas ao asunto(porque de seguro que tiñan cara de burriños.jeje)e eles se son listos daríanse de conta das moitas posibilidades que existen.

Un bico.

Cristina Ares dixo...

Hola!Pois voume atrever eu co RETO 4, inda que non creo que estea ben!!
A rapaza dille aos mozos que o seu número ten 7 cifras por exemplo: ABCDEFG e que o resultado da resta de ABC - (DEFG)^2 da o seu número de teléfono. POlo tanto se pensamos no 1º número de 3 cifras e no 1º de catro sáennos o 100 e o 1000 respectivamennte. Se facemos a operación anterior con estos números o seu resultado é de 6 cifras polo que non é válido 100- (1000)^2=-999900. Se se sigue comprobando o calquera número multplicado polo cadrado de 1000 vai dar 6 cifras, e a partir do 1001 son moitos os que dan 7cifras. Polo tanto a moza o que non quería era darlle o seu número de teléfono, e para non ser directa do todo doulle unhas voltiñas ao asunto(porque de seguro que tiñan cara de burriños.jeje)e eles se son listos daríanse de conta das moitas posibilidades que existen.

Un bico.

Anxinho dixo...

Bo intento Crsitina, pero cometes un erro de base. A resta a realizar é (DEFG)^2 - ABC e ten solución (por moita cara e burriños que poidan ter hehehe)

Neste blog utilizamos as imaxes con finalidade educativa. Se algunha delas estivera suxeita a dereitos de autor, rogamos que vos poñades en contacto connosco para retirala de inmediato.