A voda do Galo Pinto

Outra das novidades de OQO é este delicioso álbum de Juan Alfonso Belmontes con ilustracións de Natalei Pudalov, A voda do Galo Pinto. O conto é popular polo tema e actual sempre: porque fala da relación que se pretende desigual entre home e muller. Con moitos símbolos literarios e algo de barroquismo, é unha lectura moi propicia para educar en igualdade e para disfrutar das súas ilustracións, moi orixinais e luminosas. Curiosa a mestura que no libro se fai, posto que é un conto de animais agás a protagonista, unha nena Xiana que acollerá dous amores ben diferentes dos que se tira unha lección final.