Una esposa de fiar

Baixo este título tan pouco atraente agóchase unha fermosa novela que constitúe unha historia sobre a desesperación. Robert Goolrick é o autor de Una esposa de fiar publicada por Salamandra. Os seus protagonistas son enrevesados, sorprendentes, lonxe de seren eses personaxes planos que podemos atopar en tantas outras novelas; cada mirada, cada xesto, cada palabra ou cada pensamento é importante. E o lector percátase de que unha vez comezada, está "castigado" irremediablemente a proseguir a lectura dun xeito voraz. Tanto, que ese final pouco soprendente deixa a alma nun permanente sobresalto que pervive un tempo despois de pechado o libro. Chama a atención que nesta novela se traten algúns temas como primordiais. Xa dixemos que a desesperación é un deles. Pero tamén está a culpabilidade: todos os personaxes teñen algún motivo para sentila.. E o desexo de perdón. E a sexualidade, que subxace detrás de cada xeito de mirar, de tocar ou de sentir dos personaxes principais; e destaca porque esta sexualidade é fonte de pracer e de culpa, terapia de vidas dilapidadas e terapia de emocións e sentimentos.
E que dicir doutro gran tema, a loucura. Un tema que se agocha nunha vida rural que provoca suicidios e asasinatos, pero que tamén está presente, axexando e intimidando, a vida dos personaxes principais. Porque todos somos susceptibles de caer nela. Porque é moi feble a liña que afasta loucura e cordura.
Pode semellar ás veces algo repetitiva, ese xeito de dar voltas constantes á autoculpa, pero é unha lectura que, de seguro, apaixonaravos.

Era increíble la cantidad de cosas que se podían llegar a aprender en una biblioteca. Simplemente buscándolas. Aprender se convirtió en su razón de ser. Le gustaba el aroma de los libros y las páginas impresas, la perspectiva interminable de lomos en los anaqueles y, sobre todo, la idea de que el mundo era infinito pero cognoscible. Cada cosa que aprendía daba paso a una nueva pregunta, y para cada pregunta había otro libro.