Punto de fuga

Miguel Cuba é o autor de Punto de fuga, moi bo cómic publicado por Demo editorial. Un libro que presenta a situación da xente nova na actualidade, os problemas para atopar traballo, para mantelo, o amor, as saídas... Unha xeración que sabe que a sociedade consumista na que vivimos ten un fin menos afastado do que semella, e que hai que loitar para afastarse dunha incertidume constante na vida cotiá. A procura dun "punto de fuga" para resistir.
Pareceume extraordinario que sexa a súa primeira obra.