Árbores no camiño

Lectura moi acaída para estes días de incendios e fragas, Árbores no camiño é a última novidade de OQO, con texto de Régine Raymond-García e ilustracións de Vanina Starkoff. Un neno que se perde non é argumento audaz nin novidoso. Si que o é cando este é axudado pola natureza, polas árbores que lle proporcionarán un murmurio de voces indicadoras do mellor camiño. Nunha metáfora marabillosa da importancia das árbores e do respecto á natureza o álbum amosa como a reciprocidade natureza-humanidade debe ser total: ningunha é quen de subsistir sen a outra. E iso é algo esencial que debemos aprender dunha vez por todas, antes de estragala por completo.
As ilustracións tan coloristas son un complemento esencial para determinar os estados de ánimo do neno protaonista.

Karim entornou os ollos para mirar ao lonxe:
Vía arbustos, años e cabras; pero non podía ver a súa nai.
A Karim fíxoselle un nó na gorxa
e polas súas meixelas esvararon dúas bágoas enormes.
Mirou a un lado e ao outro: non sabía volver.