Eloísa y los bichos

Aínda que é un selo editorial relativamente recente, creo que xa sabemos que cando El Jinete Azul publica un álbum, este vai ser de calidade. Así ocorre novamente con este marabilloso Eloísa y los bichos de Jairo Buitrago e Rafael Yockteng. Un sensible e emotivo álbum para reflexionar sobre a difícil adaptación das persoas a un novo lugar, sexa este unha vila, unha cidade ou un país. Sentirse un becho entre os demais, cando non se coñece a ninguén e só se desexa volver ao lugar de orixe. Vivir na lembranza porque custa adaptarse ao novo medio.
Pero será nesta adaptación onde resida a certeza de seguir vivindo. Será así como pouco a pouco deixaremos de ser eses bechos que afastan para ser un máis, porque cómpre estar aberto a todo o novo e non pecharse no xa coñecido. Porque as novidades tamén poden traer boas e formidables historias que paga a pena vivir.
E se o texto é enriquecedor, mirade as fantásticas ilustracións: acompañaranvos sempre!

Open publication - Free publishing