Descubrín tamén este verán que a editorial Demipage publica algúns cómics, coma este de François Mutton Mejor en el mar. Ao non coñecer o traballo deste autor, chamoume moitísimo a atención que faga unhas viñetas minimalistas en branco e negro que ao mesmo tempo son tan expresivas porque acumulan ideas e poesía, xa que o texto lévanos por un mundo de soños e paixóns que os humanos posuímos e anceiamos tocar... e non damos. As páxinas están estruturadas en tres viñetas acompañadas dunha frase.
O protagonista é un personaxe indeciso, atormentado, que está hastiado da súa vida e desexa vivir sobre o mar nun barco construído por el mesmo, pero isto non é tan doado como semellaba.
Sen comentarios
Publicar un comentario