Verdedades

Fermoso álbum de Yolanda Castaño con ilustracións de Xosé Tomás publicado por Biblos: Verdedades, unha aventura poética sobre plantas e aprendizaxe que mira á natureza e trata de recuperar o noso vínculo con ela utilizando metros clásicos a camiño entre o verde e as verdades; herbas aromáticas, infusións, plantas medicinais, especias, xeranios... todo está entre as verdades do mundo vexetal ricamente plasmado por un ilustrador que sabe unificar o texto e realzalo.

"Acompáñannos seguido

cego estás se non o ves:

ter un berce vexetal

ata a páxina que les."