Acostumados como estamos ás marabillas que non proporciona Libros del Zorro Rojo, este álbum xa case non nos sorprende. La esperanza es una niña que vende fruta de Amrita Das é un álbum que fala de mulleres. A autora, durante unha viaxe en tren, analiza o valor da muller na sociedade india, a súa sociedade. Ollando unha nena, preguntándose sobre o seu destino, está a falar da muller na India. Aínda con todas as limitacións que isto supón, a última chamada é a esperanza, a confianza nun futuro mellor.
As ilustracións que utiliza, da arte popular de Mithila chamada mathubani, propia das mulleres das comunidades rurais de Bihar, son de carga simbólica, e a autora combínaas con detalles actuais (móbiles, punkis...). Coa combinación de texto escaso e ilustración ricaz, temos nas mans unha obra de trasfondo esencial, unha impresionante representación da sociedade, do sexismo, da situación da muller na India, o que converte este libro nun indispensábel dos nosos andeis.
"Desde que nacemos, algunas cosas nos vienen dadas. Pero lo importante es prestar atención a los cambios que dala vida y cómo podemos caminar hacia el futuro."
Sen comentarios
Publicar un comentario