Galicia, nosa ledicia

Non veu o noso autor Xosé Neira Vilas este seu libro publicado por Edicións Embora, Galicia, nosa ledicia, unha historia esquemática en verso que vén a ser a Historia do noso país destinada a un lectorado novo que aprenderá de xeito moi sinxelo parte do que veu a marcar a nosa propia idiosincrasia. Unha lección maxistral que se lembrará facilmente grazas a eses versos rimados e  que a editorial tivo a ben publicar en gran tamaño e tapa dura para darlle máis valor ao libro. As ilustracións corren a cargo de Dani Viéitez e Iria Iglesias, moi infantís e acaídas para a quen vai dirixido precisamente este libro que dá as claves de como fumos e como somos, quizais mesmo de como seremos. A Historia tamén nolo dirá. 

Unha lembranza especial para un autor que segue escribindo versos para Galicia alá onde estea.