Blogue de Gracia e de Anxo, blogue de pingas e de icebergs, do que nos preocupa ou nos chama a atención, de biblioteca e de aula.

04/04/16

El vuelo de la familia Knitter

Guia Risari e Anna Castagnoli son as autoras deste precioso e máxico álbum que publica A buen paso: El vuelo de la familia Knitter lembra os relatos orais onde o onírico mestúrase co real para facernos voar canda os seus personaxes. A fantasía como reclamo e como clave dun relato magnífico onde a esencia da liberdade é a protagonista absoluta e onde nos replantearemos se paga a pena aquilo que semella o cotiá e o seguro ou aquilo que nos sorprende e que non saberemos valorar ata rematalo. As ilustracións evocan precisamente ese anhelo de voar que todas e todos gardamos no noso interior, sendo case etéreas, deixándonos esvarar sobre elas con dozura e guiándonos por unha viaxe feliz cara ao descoñecido, é dicir, cara á aventura. E quizais, quizais tan só, poidamos saber o final. Porque o final das vidas nunca é coñecido. Quizais.




Sen comentarios

Neste blog utilizamos as imaxes con finalidade educativa. Se algunha delas estivera suxeita a dereitos de autor, rogamos que vos poñades en contacto connosco para retirala de inmediato.