Encántame Quentin Blake. Por iso, é unha alegría que Kalandraka nos agasalle cun dos seus libros na nosa lingua. Míster Magnolia (publicado en 1980) é unha delicia rimada, un álbum co que os máis pequenos e pequenas aprenderán os primeiros números e no que procuraremos unha bota... sexa da cor que sexa e da forma que teña. Porque o noso protagonista fai miles de actividades pero non pode seguir cun pé nu... Un libro divertido, excéntrico, no que o autor deixa claro a súa facilidade para transmitir coa ilustración, unha ilustración que xera un sorriso continuo denda a portada ata a fin da historia.
Sen comentarios
Publicar un comentario