Recoñezo que era un chisco reticente a falar deste grupo nesta "marabillosa" sección. Os que me coñecedes sabedes que lles fago a miña particular homenaxe polos garitos de Galicia e non sei se serei quen de falar deles sen que se me vexa o plumeiro. Imos aló. Hoxe falaremos das guindillas. Así escrito tal vez aínda non os recoñecestes, pero que tal se digo... Red Hot Chili Peppers??
A historia musical dos Red Hot comeza en Los Angeles, en 1982, cando varios amigos únense para formar unha banda e tocar en locais nocturnos. Eran: Michael Balzary (Flea), no baixo, Hillel Slovak (guitarra), Jack Irons (batería) e Anthony Kiedis como vocalista. O seu primeiro gran show foi nun concerto, onde para chamar a atención espíronse para actuar, o que lles deu unha tremenda publicidade e valeulles para asinar un contrato cunha gran discográfica. Tras uns primeiros anos de poucos éxitos e problemas coas drogas (incluida a morte de Slovak por sobredose), no 1989 o grupo rexurde con novos nomes: unironse John Frusciante como guitarrista e Chad Smith na batería. Xunto a Flea e Kiedis, xa estaban de novo en marcha.A partir dese momento, a banda californiana foi quen de combinar a esencia do funk co rock máis alternativo, ser os representantes máis activos do sonido punk e lograr engaiolar a miles e miles de persoas en todo o mundo. Cancións como "Give it away", "Under the bridge", "Otherside" ou "Californication" sobreviven ao paso do tempo e son auténticos himnos para os amantes da música.
Polas súas letras provocadoras, polo seu demoledor directo, pola enerxía que transmiten, pola súa busca da innovación, os Red Hot Chili Peppers son, ao meu parecer, unha das bandas de culto que aínda sobreviven nos escenarios.
Discografía básica
- Mother´s milk (1989)
- Blood, sugar, sex, magic (1991)
- Californitation (1998)
- By the way (2002)
- Stadium arcadium(2006)
Sen comentarios
Publicar un comentario