Mulleres que cambian o mundo

Segundo os informes do Fondo Internacional para o Desenvolvemento Agrícola, o Banco Mundial e as Nacións Unidas, a mellora dos dereitos da muller reduce a pobreza e acelera o desenvolvemento económico. As mulleres con máis estudos contribúen máis á economía, manexan mellor os presupostos familiares e os recursos económicos ca os homes e tenden a devolver máis os microcréditos. Mulleres cun nivel máis alto de formación e dereitos son máis conscientes da importancia do control da poboación para a familia e contribúen a estender o uso dos métodos de control de natalidade.

A muller é o motor do cambio para a erradicación para superar a pobreza na maioría dos países. Pero a discriminación, falta de recursos, de apoios, e a desigualdade fai que ese cambio sexa lento, invisibilizado, ata case normalizado.
O xornalista Hernán Zin no seu libro Mulleres que cambian o mundo explica que son elas as que coa súa forza están dando pasos importantes, non carentes dun esforzo ímprobo pero con enormes e espectaculares resultados. E isto en África, en Asia, en América Latina...