Viaxando

De que forma podemos viaxar?

Onde podemos ir?

En quen nos podemos converter?

Vía

Nicomedes o pelado

Ofrécenos Kalandraka unha historia divertida nun álbum que chama a atención dende o formato ata as ilustracións: un único primeiro plano que cambia pequenos detalles en cada páxina segundo o mandado do texto xunto a un gato na outra páxina que tamén muda de actitude. Máis nada.

Estamos a falar de Nicomedes o pelado, un libro de Pinto & Chinto onde o humor é a clave necesaria para abrilo e gozar con el. Porque o surrealismo da historia axuda a reflexionar sobre a excesiva importancia que damos ao noso aspecto exterior nesta sociedade que cre que a imaxe exterior é máis importante que a interior, ou mesmo que quedar ben supera a sentirse a gusto con nós mesmos. 
A sorpresa de cada páxina vén dada pola procura dunha imaxe definitiva do personaxe que o humor transforma nunha parodia xenial.

A Muller nos Medios

Hoxe en día a cosificación da muller é máis ca relevante, nunha sociedade devorada polo consumismo e onde as mulleres pasaron a se converter unha mercancía adicada ao goce do home. Esta forma de violencia simbólica, que resulta case imperceptible, somete a todas as mulleres a través da  publicidade, as revistas, as series de televisión, as películas, os videoxogos, os videos musicais, as noticias, a telerealidade, etc

A cosificación é o acto de representar ou tratar unha persoa como un obxecto (unha cousa non pensante que pode ser usada como un desexe) A cosificación sexual consiste en representar ou tratar unha persoa como un obxecto sexual, ignorando a súas cualidades e habilidades intelectuais e persoais e reducíndoas a meros instrumentos para o deleite sexual doutra persoa.

Para recoñecer a cosificación, a socióloga americana Caroline Heldman deseñou o Test do Obxecto Sexual (TOS), que permite identificar a presenza de cosificación sexual nas imaxes ante unha resposta afirmativa a calquera das seguintes 7 preguntas:

1) A imaxe amosa unicamente unha parte ou partes do corpo da persoa?

Unha muller sen cabeza, por exemplo, facilita o vela como un simple corpo tirando individualidade transmitido polas caras, ollos e o contacto visual coa persoa da imaxe.

2) Amosa a imaxe unha persoa sexualizada que actúa como soporte para un obxecto?

3) Amosa a imaxe unha persoa sexualizada que pode ser intercambiada ou renovada en calquera momento?

A “intercambiabilidade” é un elemento común na publicidade e reforza o concepto de que as mulleres, ao igual que os obxectos, son funxibles (úsanse e descártanse). Ao igual que os obxectos, “cantas máis mellor”, idea que borra o valor individual de cada muller.

4) Amosa a imaxe unha persoa sexualizada que está sendo humillada sen o seu consentimento?

 

 

5) Suxire a imaxe que a característica definitoria da persa é a súa disponibilidade sexual?

6) Amosa a imaxe unha persoa sexualizada que pode ser usada como unha mercancía ou alimento?

7) Trata a imaxe o corpo dunha persoa sexualizada coma se fose un lienzo?

Vía

Animals

Onenessteam, formado polos portugueses Inês Freitas e Miguel Mendes, son os gañadores do concurso que Muse convocou, xunto coa web de vídeos "genero.tv", para realizar o videoclip “Animals”. Amosan a actual crise económica que se está vivindo no mundo.

Vía

Palabras

Fermoso, fermosísimo álbum este que nos ofrece Kalandraka: Palabras de Jesús Marchamalo con ilustracións de MO Gutiérrez Serna. Un álbum absolutamente poético non só polo texto senón porque é unha homenaxe á poesía e aos poetas, ás súas palabras e aos seus versos, aos seus sentimentos e aos nosos cando lemos. Porque as palabras atesourámolas para usalas, retelas, acariñalas, agasallalas... ou desprezalas. Palabras para todos os gustos e para todas as opcións, e que mellor que utilizalas en diferentes momentos e con diferentes significados!

 Palabras que son o segredo da comunicación e que teñen múltiples significados segundo queiramos usalas, que poden ser mortais ou poden ser amatorias, palabras que usan os poetas para conmovernos. E estas palabras acompáñanse de ilustracións que nos din, novamente, que a arte da palabra e a arte da vista bailan xuntas, ilustracións modernas que combinan o real co simbólico, a modernidade e a tradición, o debuxo co pincel, o surrealismo co realismo. E de fondo, a beleza da arte en si mesma, un libro para gozar que cómpre termos preto para follear de cando en vez.

Aínda que o libro non está traducido á nosa lingua, dáme que pode ser unha gran opción para as nosas aulas, un recurso para utilizar ben digno e magnífico.

Aula Xabier Docampo (II)

Xa falamos antonte da visita ao noso centro do xenial Xabier Docampo. Xa vos amosamos a fermosa placa que agora loce na porta da aula de 1º B e tamén vos ensimanos, moi orgullosos do traballo do noso alumnado, o álbum ilustrado que con tanto agarimo construíron. Agora vén unha das partes máis importantes da homenaxe: tres obriñas de teatro (A decisión de Valerio, Adelaida, Henrique e demais familia, De cores e de amores) nas que o alumnado traballou con paixón quedando sen recreos nin horas libres para recibir como se debe ao noso ilustre escritor.

Esta gravación debémosllela a Xosé Fuentes e Suso Fernández, a quen lles damos as grazas polo seu traballo.

 

La Lupe y el Bruno

Novamente é Mar quen nos cede a curta:

Marcopola: Os Piratas da Lúa

 Segunda entrega desta idexa xenial que comeza a encher un oco ben grande da nosa Literatura: banda deseñada para o lectorado máis novo. Xa falaramos disto cando comentamos o primeiro libro, e damos grazas á editorial Xerais por seguir apostando por este formato e esta colección: ogallá detrás deste veñan máis! Segundo puidemos saber, esta vez démoslle a volta ao destino desatinado e publícase na nosa lingua antes que nas outras. Un novo motivo para felicitar á editorial.

O autor desta fantástica idea é Jacobo Fernández Serrano e esta entrega inclúe piratas festeiros, algúns outros máis perigosos e diversión asegurada para os lectores e lectoras que sen dúbida sentiranse atraídos por esta serie comiqueira que agardo dea moitos froitos, asegure lectores e anime a construír un novo universo que brille con luz propia. Xa agardamos impacientes a terceira entrega, posto que a lectura desta abre novos camiños que queremos saber onde nos levan.