A Brigada do velo

A Brigada do velo é unha iniciativa de mulleres musulmás da fundación Ibnou Khaldoun que combate a discriminación no mercado laboral. Organizan o Premio do Velo e a cadea holandesa de supermecados Dirk van den Broek vén sendo a primeira gañadora, xa que se ten destacado polos seus esforzos pola aceptación do pano tradicional musulmán no lugar de traballo.
Unha das fundadoras é Nora el-Jebil, quen asegura: "os meus papeis están en orde. Teño unha alta formación, falo ben holandés e aínda así sempre teño que demostrar a miña valía. No momento en que me chaman para unha entrevista de traballo queda claro que nunca agardan unha muller que leve pano. É unha prenda que se ve como símbolo de opresión da muller, como algo pasado de moda... sobresáltanse cando entras con el posto".

Vía Todas