Por segundo ano, o alumnado do CPI Don Aurelio de Cuntis participou no Concurso de Fotografía Matemática. Velaquí vos ensino unha pequena mostra das máis de cen imaxes presentadas: como poderedes supoñer escoller os premiados non foi unha tarefa sinxela:
O alumnado de 3º e 4º ESO Do CPI Don Aurelio acudiu o pasado mércores día 11 á VII Semana Matemática organizada pola Asociación Escola Rosalía de Castro e Agapema. Alí participaron nos oito obradoiros que nos tiñan preparados nos que puideron ver as matemáticas desde outros puntos de vista máis manipulativos, intuitivos e participativos. Tangrams, pentominós, hexamantes,... fixeron que as rapazas e rapaces de Cuntis pasasen unha mañán do máis entretida: non había máis que mirarlle as caras...
O pasado venres 18 de marzo recibimos no CPI Don Aurelio do beat-boxer cercedense Carlos Gende que lles explicou ao alumnado da ESO a orixe e historia desta forma de percusión vocal baseado en facer música e outros tipos de son coa única axuda da boca, os beizos, a lingua e a voz.
No seguinte vídeo podedes ver unha entrevista que pode servir de resumo de todo o que nos estivo a falar. m
O que si vos podo asegurar é que a todos nos deixou coa boca aberta coas súas demostracións... e ata algún ousado fixo os seus primeiros intentos!!
E a modo de exemplo aquí tedes a versión do himno galego feito en beat-box co que gañou o 1º premio no 123click.org organizado polo Concello de Vigo.
Desde o Clube de lectura As Campaíñas do CPI Don Aurelio de Cuntis achégovos a guía de lectura que elaboramos co gallo do Samaín. Lecturas para nen@s, moz@s e maiores.
Neste blog utilizamos as imaxes con finalidade educativa. Se algunha delas estivera suxeita a dereitos de autor, rogamos que vos poñades en contacto connosco para retirala de inmediato.
