El silencio de las bestias

Unai Velasco publica en La Bella Varsovia El silencio de las bestias, un libro de poesía que baila sobre lume, que fala de amizade, de seguridades e inseguridades, da construción da identidade cun látego de palabras ásperas e ferintes, de barroquismos litúrxicos e versos longos e profusos, con diferentes posibilidades dun eco que se reproduce dependendo das variadas posibilidades semánticas e fonéticas. Un libro que é unha liturxia sorprendente.

O lector suicídase nos cavorcos dos poemas, nese avance rápido dun texto asintáctico, dun versos longuísimos, dunhas palabras que se repiten, dunha proposta ecléctica de estética diferente. A ironía é constante nun libro que foxe da lóxica.

Tengo miedo del miedo de las avispas del miedo de los ciervos
no dejes
no que somos buenos que somos nuestro cuerpo
y en pira de bondad detente
y escucha sobre todo escucha y que así sea que
así sea.

Los estómagos

Luna Miguel publica en La Bella Varsovia Los estómagos, poemas contundentes que veñen dende as entrañas ou nelas habitan, provocando unha dor que pide cura e non a topa, como esas preguntas que non obteñen respostas e quedan vacilando no ar, realizando paseos imposibles pola atmosfera.

Para iso existe a palabra, a poesía. Para procurar un ADN indeleble que permanece nesa loita que se mantén co papel do sentimento.

O libro divídese en catro partes, por elas transitamos nun proceso de dor que procura unha nova vida, porque o remate dunha significa o comezo doutra, como sombras que permanecen, que testemuñan anacos fragmentados da supervivencia. Neses anacos roubados á vida está a morte, porque aquela, a vida, é quen se nega a si mesma, quen é roubada, quen é vendida. Podemos atopar algún rueiro que nos guíe por ela mesma, esquivando tormentas que, seguramente, acabarán chegando. Rueiors e camiños non que non faltarán socavóns falsos polos que caiamos unha e outra vez para tentar erguernos de novo.
Libro duro, feroz, exacto.

"Me

 pregunto cuántos estómagos

 hacen falta para vencer al hambre"

Apuestas. Nueve nuevos poetas

Gustoume moito esta proposta poética da editorial Apuestas. La Bella Varsovia: Nueve nuevos poetas reúne nove voces poéticas de mozos e mozas que comezan a súa andaina literaria: Belén Benito, Ellen Capriota, María Ferreira, Álex Gil, María López Pousa, Sandra Martínez, Israel Padilla, Arturo Sánchez e María Sánchez. Gustáronme especialmente os poemas de María Ferreira, polo pouso e o sabor a denuncia que executan falando das diferenzas co mal chamado "Primeiro mundo";

El sexo en tierra de hambre es así.

Como un desarraigo

Como un no tener raíces,

ni referencias,

ni espacios comunes.

Como una seguridad absoluta

de que cuando me araña, araña a todo el mundo 

           occidental.

Como una creencia irreverente de que cuando

           le beso,

estoy besando a su pueblo.

Entre estes nove poetas temos unha escritora galega, María López Pousa, que forma parte do grupo "Jóvenes sin talento2"  e tamén quero destacar os poemas de Ellen Capriota pola súa contemporaneidade tecnolóxica:

no se puede

durar para siempre

con esta continua carga

y descarga

0 mensajes nuevos

y un guardar como

que puede cambiarlo todo